Qulaq
Evstaxit: qulaq tutulmasının çox yayılmış səbəbi
Evstaxit — digər adları ilə tubotit və ya salpingootit — yevstax borusunun iltihabıdır.
Yevstax borusu nə işə yarayır
Yevstax borusunun əsas funksiyası orta qulağın havalanmasını və drenajını təmin etməkdir.
Necə inkişaf edir
Üst nəfəs yollarının infeksiyası burundan burun-udlağa, oradan yevstax borusuna və orta qulağa keçir. Orta qulaqda maye yığılır.
Əlamətlər
- Qulaq tutulması
- Autofoniya — öz səsini daha gur eşitmə
- Qulaqda küy
- Eşitmə zəifliyi
Müayinədə nə görünür
Otoskopiya zamanı qulaq pərdəsinin bulanıq olması, bir qədər içəriyə çəkilməsi və işıq konusunun itməsi müşahidə olunur.
Vaxtında müalicə alınmadıqda proses xronikləşir. Qulaq tutulması davam edirsə, müayinəni təxirə salmayın.
Bu yazı ümumi məlumatlandırma məqsədi daşıyır və həkim müayinəsini əvəz
etmir. Sizə uyğun diaqnoz və müalicə yalnız birbaşa müayinədən sonra
müəyyən edilə bilər.